ТҮРКІ ҚАТЫНАСТАРЫН НЫҒАЙТУ ФАКТОРЫ РЕТІНДЕ ҚАЗАҚСТАН МЕН ТҮРКИЯНЫҢ ТІЛ САЯСАТЫ

Аннотация

Қазақстан Республикасы мен Түркия Республикасы – тарихи, тілдік және мәдени байланыстары терең екі мемлекет. Екеуі де түркі тілдес халықтар санатына жатады, бұл оларды көп жағынан ерекше жақын етеді. Бұл байланыстардың ежелгі тамыры бар және олар уақыт өте келе нығайып, дамып келеді. Түркия басшысы Режеп Тайып Ердоған түркі елдері үшін біртұтас әліпби жасау бастамасын жариялады. Түркия Президенті Түркі мемлекеттері ұйымына мүше елдердің тіл, мәдениет және тарихқа негізделген адами қарым-қатынасты арттыру мақсатында жоғары білім саласындағы ынтымақтастықты нығайтуға күш салуын жалғастыратынын атап өтті. "Әрине, бірлігімізді нығайту үшін тілдің маңызы зор. Бірыңғай әліпби де маңызды құрамдас бөлік, бұл жерде президенттердің қолдауы маңызды. Біздің Жоғары білім кеңесі ұйым хатшылығына арнайы ұсыныстарын берді, мен оны біздің ұйым қарастыратынына сенімдімін», - деді Режеп Тайып Ердоған Астанадағы оныншы Түркі мемлекеттері ұйымының саммитінде сөйлеген сөзінде (Ердоған: Түркі мемлекеттерінің бірлігі үшін тіл мен ортақ әліпбидің маңызы зор). Түркия басшысының бұл сөздері екі ел арасындағы тіл және мәдени байланыстың маңыздылығын көрсетеді және бұл мақаламыздың негізгі тақырыбына айналады. Бұл мақалада біз тіл саясатының Қазақстан мен Түркия арасындағы түркітілдес байланыстарды ынталандыруға тигізетін әсерін зерттей отырып, тарихи жағдайға, қазіргі күш-жігерге және болашақ ынтымақтастық перспективаларына қарайтын боламыз.

Тірек сөздер: Түркі мемлекеттерінің ұйымы, тіл саясаты, білім, түркі тілдес байланыстар, Қазақстан, Түркия, ынтымақтастық.